• Bakı C

    10.91 m/s

  • USD - 1.7

    EUR - 1.9212

    RUB - 0.0216

Saakaşvili məhkəməyə gətirildi - FOTO (YENİLƏNİB)

DÜNYA

29 Noyabr 2021 | 12:50

Saakaşvili məhkəməyə gətirildi - FOTO (YENİLƏNİB)

Bu gün Gürcüstanın keçmiş Prezidenti Mixail Saakaşvilinin növbəti məhkəməsi keçiriləcək.

Bakıvaxtı.az “Sputnik Gürcüstan”a istinadən xəbər verir ki, gürcü siyasətçinin məhkəmədə iştirakı gözlənilir.

“Formula” telekanalının məlumatına görə, Penitensiar Xidmətin maşını Saakaşvilinin olduğu hərbi hospitalın ərazisini tərk edib. Penitensiar Xidmət hələ ki, Saakaşvilinin məhkəməyə aparılıb-aparılmaması ilə bağlı rəsmi açıqlama verməyib.

Qeyd edək ki, bu gün keçirilən məhkəmə 2007-ci il noyabrın 7-si müxalifətin aksiyasının dağıdılması işi ilə bağlıdır. Bu, Saakaşvilinin oktyabrın 1-i həbsindən bu yana keçirilən 3-cü məhkəmə prosesidir. Gürcü siyasətçi bu proseslərin heç birində iştirak etməyib.

***

“TV Pirveli” telekanalının məlumatına görə, Mixail Saakaşvili Tbilisi Şəhər Məhkəməsinə aparılıb.

“Bu dəqiqələrdə Saakaşvili məhkəmə binasına aparılıb. Dəqiqliklə deyə bilərik ki, Saakaşvili bu gün xalq qarşısında çıxış edəcək”, - deyə məlumatda qeyd olunub.

***

Tbilisi Şəhər Məhkəməsində Mixail Saakaşvilinin iştirakı ilə məhkəmə prosesi başlayıb. 


SON XƏBƏRLƏR

26 Yanvar 2022